Subartezian quyuları

Muxtar respublikada suvarma və içməli su mənbəyi kimi istifadə olunan subartezian quyularından həm də torpaq sahələrində qrunt sularının səviyyəsini aşağı salmaqla şoranlaşmanın qarşısının alınması məqsədilə istifadə edilir. Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin balansında 931 ədəd subartezian quyusu vardır. Muxtar respublika ərazisində subartezian quyuları vasitəsilə suvarılan fiziki sahə təqribən 2252 hektardır.