Dəstə kəndinin içməli su təminatı yaxşılaşdırılır

24.01.2024

Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin tabe idarəsi olan Ordubad Rayon Meliorasiya və Su Təsərrüfatı İdarəsi rayonun Dəstə kəndində içməli su xəttinin və kaptajın tikintisi işlərini davam etdirir. Cəmiyyətin mətbuat xidmətindən "Şərq qapısı" qəzetinə verilən məlumata görə görülən işlər nəticəsində Dəstə kəndinin içməli su xəttinin 1200 metri çəkilmiş, xəttin üzərində 1 ədəd quyu qoyularaq siyirtmə quraşdırılıb. 

İdarənin əməkdaşları tərəfindən kaptajın tikintisi işləri də davam etdirilir. Kaptaja diametri 200 millimetr olan 100 metr uzunluğunda koje boru salınmış, borunun üzəri müxtəlif diametrli çınqıl qatı ilə 80 santımetr qalınlığında örtülmüş, əlavə olaraq qum qatı verilmiş və kaptajın üzərində 3 ədəd quyu quraşdırılmışdır. Qısa zamanda kaptajın və içməli su xəttinin tikintisi başa çatdırılacaqdır.

Nail ƏSGƏROV