“Hacı Fəttah” kəhrizində təmir-bərpa işləri görülür

19.02.2024

Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin tabeliyində olan Kəhrizlər İdarəsi tərəfindən Ordubad rayonundakı “Hacı Fəttah” kəhrizində cari təmir-bərpa işləri aparılır. 

Cəmiyyətin mətbuat xidmətindən “Şərq qapısı” qəzetinə bildirilib ki, kəhrizin çıxış hissəsi şoralandığı üçün idarənin kankanları tərəfindən şora təbəqəsi qırılaraq kəhrizin suyuna sərbəst axın verilir. 
Qeyd edək ki, qədim kəhrizlərdən hesab olunan “Hacı Fəttah” kəhrizi üzərində “qırxpillə” adlanan abidələr vardır ki, onların əksəriyyəti evlərin zirzəmilərində yerləşir.

Nail ƏSGƏROV