Babək Rayon Meliorasiya və Su Təsərrüfatı İdarəsi tərəfindən payız suvarma mövsümünün mütəşəkkil keçirilməsi, əkin sahələrinin suvarma suyu ilə təmin olunması, yeni torpaq sahələrinin əkin dövriyyəsinə qatılması, yaşıllıq sahələrinin genişləndirilməsi istiqamətində görülən işlər noyabr ayında da davam etdirilib. Noyabr ayında su istifadəçilərinə 6,7 milyon kubmetr su verilmiş, bunun müqabilində 5 min 574 hektar torpaq sahəsi suvarılmış, Qaraçuq magistral kanalında və kənd ara arxlarında 4,9 kilometr lildən təmizlənmə işləri yerinə yetirilmiş,25 hektar torpaq sahəsində qrunt sularının səviyyəsi aşağı salınaraq şoranlaşmanın qarşısı alınmış, çay və selovlarda 870 metr seləqarşı istiqamətləndirici bənd salınmış, nasos stansiyalarının təzyiqli boru xətlərində 350 metr təmir-bərpa işləri aparılmışdır. Hesabat dövrü ərzində Şahbuz rayonunun Türkeş kəndi ərazisində 343 hektar sahədə qapalı suvarma şəbəkəsinin tikintisi davam etdirilmiş, 8,5 kilometr suvarma xətti çəkilmiş, 102 hidrant və supaylayıcı hovuz quraşdırılmışdır. Qapalı suvarma şəbəkəsi artıq istismara verilmişdir. Ötən ay İdarə tərəfindən Uzunoba gölü ətrafında yaşıllıq sahələrini damcı üsulu ilə suvarılmasını təmin etmək üçün 11 kilometr suvarma xətti çəkilmişdir. Əhalinin içməli su təminatı da diqqətdə saxlanılmış, mövcud xətlərdə 4 kilometr təmir-bərpa işləri görülmüşdür.
Naxçıvan Muxtar Respublikası Dövlət Meliorasiya və