20.03.2020 

Su həyat mənbəyidir. Bu fikir suyun həyatımızdakı rolunu, ümumiyyətlə, həyatımızın sudan ibarət olduğunu tam şəkildə ifadə edir. Su canlıların həyatında oksigendən sonra gələn ən vacib maddədir. Canlı aləmin yaranması və yaşaması üçün lazım olan bu nemət həyatımızda olan hava və torpaq qədər əhəmiyyətlidir. Su həm də ruzi-bərəkət, gözəllik və paklıq rəmzi hesab olunur. Ta qədimdən nənə-babalarımız suyun təmizliyi, saflığı, həyat mənbəyi olması barədə el deyimləri formalaşdırıblar.

20.03.2020

2020-ci ilin yaz suvarma mövsümünü mütəşəkkil təşkil etmək məqsədilə Babək rayon ərazisində bir sıra tədbirlər həyata keçirilmiş, kanal və arxlarda, nasos stansiyası və təzyiqli boru xətlərində, su anbarlarının suburaxıcı qurğularında, içməli su xətlərində və digər hidrotexniki qurğularda təmir-bərpa işləri aparılmış, su anbarlarına suyun yığılması davam etdirilmişdir.

Fevral ayı ərzində 2,5 kilometr beton və torpaq kanal, 1,93 kilometr ara arx, həmçinin, 1,3 kilometr kollektor lildən təmizlənmiş, 240 metr yeni açıq drenaj kanalı qazılmışdır.

14.03.2020

Muxtar respublikamızdakı su sistemlərinin bərpası, yenidən qurulması, etibarlı su təchizatının təşkili, boruların təmiri, arxların təmizlənməsi, suvarma suyuna olan tələbatın ödənilməsi sahəsində görülən işlər kənd adamının, əkin-biçin ilə məşğul olan təsərrüfat sahiblərinin rahatlığına, keyfiyyətli məhsulun əldə edilməsinə, ölkəmizdə bolluq yaradılmasına xidmət edir. Muxtar respublikamızın bütün bölgələrində olduğu kimi, rayonumuzda da əhalinin fasiləsiz olaraq içməli su ilə təmin olunması, əkin sahələrinin vaxtında suvarılması və normal su ilə təchizatı üçün yanvar ayından kanal və arxlarda bərpa tədbirləri həyata keçirilir.